Kapstadt

 Das isch Clifton, luut am Marcel eini vo de tuerschte gegende zum wohne ds Kapstadt. Di meiste wo dert wohne hei auso sone Ussicht wie uf dem Biud. Es isch e schoene Strand mae isch recht fuer sich elleini, und dr sand isch wiiss wie schnee. Ds wasser isch recht chaut, auso simer nume churz ine und grad wider ab ufs tuechli. Leider hei mir ues aui recht uebel verbroennt. I ha gfunge, neeneeei dr buch verbroenni nie, dae muessi nid icreme. I gloub i ha vergesse das d sunne am 12 am mittag ds Suedafrika chli stercher isch aus im lorraine bad, amene normale schwyer sunnetag... jae nu! Seuber tschuud.

Die ersti Nacht simer imene coole Hostel gsy, im Penthouse. Dert hets e Dachterrasse mitere Bar und viu cuule Luet. Leider simer imene 22 Bett Schlag gsy. Und da mir die letschte si gsy am fuefi am morge hei natuerlech scho aui mit schnarchle losgleit :| isch recht uebel gsy. Die zwoei angere Naecht hei mir im Tudor bim Marcel doerfe uebernacht, und hei sogar doerfe ds morge esse :D D Zimmer si u schoen, aues sehr herzlech gstautet. Es geit aube schnaeu bis me sech wouh fuehlt, wie mae uf dem biud obe gseht :)

Das si d Ingvild und d Cecile wo maengisch chli spinne und huere froeid hei gha sech es Spongebob Tuechli ds choufe :D

Township Kayamandi

 Das isch d Mischga, si isch dr Hung vom Ricardo und Peter, das isch e lokali Familie wo mir hei kenneglehrt. Si isch uu aengschtlech gegenueber froemde, aber me cha sech schnau i si verliebe :) anschinend baeuet si di ganzi nacht, das sig recht muehsam, zum glueck lebt si nid bi ues:p
Mit ihne hei mir aebe grillet und mit ihne simer o scho im Township i usgang. Wenn de naemlech niemr lokals derbi hesch isches nid so gschiid wenn de aus wissi frou (derzue no blond) am abe furt geisch. Obe im Bild gsehsch d mama und d nosy, mir wuesse nid gnau obs d tochter isch oder nid, aber si lebt emu im glyche huus und isch momentan schwanger. Am 20 dezember oder so soetts uf d welt cho, villech gahni se denn nomau ga bsueche zum ds bebe ds gseh :)

 Aui Ching hei bir Graduation ihri Diplom choenne ga abhole und hei naer immer no gseit was si speter mau wei waerde. Es isch zwar aues uf Xhosa aber maengisch versteit me paar woerter wie polize oder traffic. die meiste wei oeppis i die richtig waerde :) Und es het eis chind, dr Ted wo immer faht afah graenne wenn er vor andere leut oeppis muess saege. Er hets o bir Graduation nid gschafft sis mu ufdstueh und isch ner mit Trane i de Ouge wider zruegg uf si schtuh ghoecklet. Oooh :(

 Mir hei dank uesem Papi Madiba e gratis Township fuehrig becho. So hei mir d mueglechkeit gha o i aermeri gaegende ds ga. Zum Teil hei si ke strom und ke fliessend wasser, da si mir i uesem huus extrem privilegiert, mir hei sogar e richtig cuuli und grossi duschi miteme riiise duschchopf :D Dr jung Herr da het wahrschindlech grad luscht gha sis fuedli ds zeige. Schoen!!

 Wie erwartet bi ig hie aus vegi wahrschinlech die einzigi wo ke fleisch isst. es git jede abe fleisch, fuer mi gits de haut eifach d bilage, riis und gmuees. wo mir uf dr Township tour si gsy hei mir e frou gseh wo die geissechoepf usenang nimmt aus waers nuet. Hoffe mau fuer di angere leut i mire familie dases nid das fleisch isch wosi esse :p E Guete!

 Das si mini chind im chindergarte. Jede Morge singe mir oeppe 20 minute. Good Morning, good morning, how aaare youuu?? Good morning good morning how do you doooo?

 Das isch d Cecile, si wohnt bi mir und chunnt vo Zueri. Da ueses Huus leider ke Garte het muesse mir ues immer uf sones chlises engs muerli quetsche zum bruun werde :)

 Das isch d Pikoh, si isch di chlini Drama queen wo bi ues lebt. Si seit so sache wie: Stop it! Stop it! Dont talk to me, talk to my lawyer! Aber si isch uu herzig!

 Mir hei ca. 4 Stund uf d Ingwild gwartet woeu si sech braids het woeue la mache. 300 Rand het de spass gchoschtet und isch im ganze 8 stund gange. Si het gseit es duet so weh das si se het muesse abnaeh. Fuer ei wuche het si die zoepf gha.

 Da simer amene Braai gsy, das heisst grill. I weiss es gseht so us aus wuers mr nid guet ga uf dem foti, aber isch haut grad am bloede moment gfoetelet worde :p Das isch ds feinste esse gsy sit langem! Es het Pap gae, das isch so wie polenta eifach ganz wiis und viiiiiiiu besser. Derzue het dr Ricardo (Das isch de ganz rechts) E Eitopf gmacht mit gmuees und fleisch dinn. Mmmmhh, ha grad wider hunger. Und mir hei das mit de Haend gaesse, da ds so tradition isch (Und si haette eh nid gnueh Teller gha:p)

 D Cecile het sech entschide d Haar ds schnide, es isch ca 3minute gange.

                                                     Mamma und dramaqueen piko

 Graduation. Oeppe d heufti vo uesem chindergarte geit abem Januar id Primary School, fuer das gits hie e chlini fiir.

D Familie

Ankunft

Ig bi am Fritg hie in kapstadt acho, bi naer grad zum Marcel und zur Trixle, zu mim ungglae und sire frou und ha dert fuer zwoei taeg gwohnt. Mir si a di duetschi schu gange, a aujaehrig bazar. scho dert hani gmerkt das mis igrechnete gaeud wiitus laengt. ei portion riis isch 20 rand, das heisst 2 schwyzerfranke und ds bier choschtes ca 13 rand, auso 1.30. am sunnti nami ich mi de mi gastvater dr madiba im stumble inn backpackers cho abhole und het mi duer ds township gfahrt. es isch auso wueck so wie me sechs vorsteut. Ig wohne imene Huus mit dr cecile, ere angere schwyzere. Mit ihre hanis super guet. waer suesch  no aues im huus wohnt isch nid wueck klar. am abe sitze teu vorem fernseh wo aber naer nuem ume si. D mama isch e typische mamma. ganz e herzlechi frou. i bi extrem froh cha mr d cecile chli aues zeige und dank ihre fuehle ig mi o nid ganz verlore.
Dr erscht tag im chindsch isch recht astraengend gsy. es si 50 ching und aui wei oeppis vo dir. I bi am haubi nueni inecho und bi a bode ghocket, naer choeme scho mindischtens 5 ching uf mi schoss und hei mi afah umarme und wei immer beachtet waerde. si strite sech fasch drum wenns drum geit wer uf em schoss vo mir oder dr cecile darf hocke. i bi nid oeppe d sina fuer d ching, ig bi ihre teacher. We me eis ching ufluepft oder so schwingt de wei grad 10 angeri o. d cecile meint si heig scho muskukater gha waege dem.
Uf stellenboisch chunnsch miteme Minitaxi. das isch e grosse Vw boes oder e Van. du muesch a strasserand stah und es handzeiche gaeh das er di soeu mitneh. e fahrt choschtet ca. 60 rappe. i ga hie fruecher ga penne aus dehieme, so am nueni, woeu de nid so viu ds tuee hesch am abe und woeu de eifach mueed bisch.
Dr waechsu vo Kapstadt bim maercu da haere isch recht krass. mae het ds gfueuh mae isch amene andere ort. Derbi sis nume oeppe 40km. I bi grad knapp 24h hie im Township Kayamandi aber ha ds gfueuh i ha scho recht viu gseh und erlebt. Das wird e sehr interessanti zyt hie, wahrschindlech o nid immer eifach.